IES A Basella (Vilanova de Arousa, Pontevedra)

  Os astrocitos son, xunto coas neuronas, as células máis importantes do cerebro. Un equipo de investigadores españois verifican que están implicados nos procesos relacionados coa memoria e a aprendizaxe, o que abre a porta a novas novas perspectivas terapéuticas contra o alzhéimer.

 Os investigadores, que publican as conclusións na revista PLoS Biology, descubriron que os astrocitos controlan e regulan a eficacia da comunicación entre neuronas. Este fenómeno relaciónaos cos procesos de transmisión e almacenamento de información no cerebro. Segundo o investigador do Instituto Cajal do Consello Superior de Investigacións Científicas (CSIC) e director desta investigación, Alfonso Araque, hata este momento, pensábase que os astrocitos cumplían un papel de soporte no cerebro.

O estudo revela que estas células xogan un papel fundamental na potenciación a longo prazo da transmisión sinápica neuronal, un mecanismo relacionado coa memoria e a aprendizaxe. Os resultados obtivéronse mediante experimentos con ratos modificados xeneticamente.Xunto ás neuronas, os astrocitos son responsables de como se procesa e almacena a información no cerebro. Unha vez demostrado isto, segundo os autores do traballo, despréndese que tamén poden xogar un rol importante nas enfermidades relacionadas con ela, como o alzhéimer. Araque subliñou que os astrocitos poderían ser unha posible diana terapéutica para tratar esta doenza.

Tags: Alzheimer, astrocitos, neuronas